- 岑可欣醫師
新年過後食滯左點算好?
食積|中醫
新年有咁多賀年食物，飯局約會又排山倒海，大家有無食得太多呢？對住煎炸油膩甜食係咪忍唔到口？
新年過後你的脾胃有無向你響起警號？胃脹、噯氣、反酸、噁心、嘔吐、納呆、腹瀉等症狀有無出現過？
為免持續惡化，係時候要令脾胃放鬆一下。
以下有兩款食療，幫助大家消食健脾。
1.山渣麥芽陳皮水
功效：消食化積、理氣健脾，適合喜肉食或油膩食物人士。
材料：山渣15g、麥芽15g、陳皮10g
做法：將所有材料連同四碗水，大火煲滾，轉小火煲15-20分鐘即可。
2.健脾化濕湯
功效：健脾化濕，適合脾胃虛弱人士。
材料：白術15g、茯苓15g、淮山15g、陳皮15g、瘦肉
做法：將所有材料連同八碗水，大火煲滾，轉小火煲1小時即可。
(文章照片由互聯網提供)
(譽豐中醫診療中心版權所有, 未經同意, 不得轉載或翻印)