骨傷|中醫
「吳醫師呀，以前我地跌親撞親，都係是但揾跌打酒、藥油捽下就自己會好架，再唔係就轆下雞蛋，點似得依家D細佬禁，又要做針灸又要做物理治療禁鬼多野搞既姐。」
記憶中小時候我跌親撞親，我都係轆下雞蛋捽下跌打酒，最嚴重一次，係由一個半圓形的「馬騮架」上面跌左落地，然後比人捉左去睇跌打師傅。近年跌打館係香港越來越少，慢慢由跌打變成中醫骨傷科，由傳統師帶徒的方式，變成了學校學習的方式。由以前所稱的「跌親打親」，深入變成了筋傷及骨傷。以中醫黎講，由外敷中藥、推拿活血化瘀，再加入針灸方法，令大家可以用最適合的方式接受治療。
為何以前可以用跌打酒同藥油，而現在要做針灸或者其他治療呢？最注要的原因為病種不太一樣。事實上，如果患處內有傷口而做成出血現象，推拿或者俗稱的捽下佢，都會令到佢越來越嚴重，越來越腫脹。需要注意的是，不是某種治療方法特別差，而是每種手法都有其適合的範圍，一但超過了其適合的範圍，則有機會弄巧反拙。所以專業的診斷對康復尤其重要。
「哦，因為依家醫學水平進步左呀。」