養生|中醫
相信好多人都會飲過茶，茶其實都有好多學問，你又知唔知道平時飲慣既茶，究竟適唔適合你飲用呢？
有次聽病人講“我飲完鐵觀音會頭暈”。茶分為綠茶、白茶、黃茶、黑茶、紅茶、青茶(烏龍茶)，視乎茶的發酵程度，綠茶、白茶、黃茶屬輕度發酵，性寒涼；紅茶、黑茶屬重度發酵，性溫；青茶屬半發酵，性平。
體質寒涼人士適合飲紅茶、黑茶。有溫養陽氣、暖胃、散寒除濕,消食去膩的作用。
1.黑茶，如普洱、六安茶、六堡茶等
2.紅茶，如雲南滇紅、祁門紅茶、伯爵茶等
體質溫熱人士適合飲綠茶、白茶、黃茶。有清熱解毒、生津止渴、化痰的作用。
1. 綠茶，龍井、抹茶、碧螺春等
2. 白茶，壽眉、白毫銀針、白牡丹等
3. 黃茶，君山銀針、鹿苑毛尖、霍山黃芽、安徽黃大茶等
體質平和人士適合飲青茶。
如鐵觀音、台灣烏龍、大紅袍、水仙、武夷岩茶等，有潤膚、潤喉、生津、清熱的作用。
所以飲咩茶都要睇清楚自己係咩體質呀，否則適得其反。
(文章照片由互聯網提供)
(譽豐中醫診療中心版權所有, 未經同意, 不得轉載或翻印)